top of page

體驗潛水背後的意義


究竟 #SzeTheWorld 舉行體驗潛水活動,背後對參加者有什麼得着,聽聽參加者解說時候之分享








聽聽參加者在活動完結後的分享





經過呢次嘅潛水活動,我好開心,因為我知道原來我自己係對水有恐懼,一開始落去嘅時候就覺得好驚,好難控制自己,好彩教練照顧住我地,令我慢慢放鬆 而唔驚。然後到潛落去嘅時候,我都係好驚,沒有成功潛落去,經過多次嘅掙扎後,我覺得既然都黎左,唔可以唔成功。最後我成功地簽落去,見到有不同嘅魚。好開心,我可以突破自己嘅恐懼,去探索新世界。走出自己嘅舒適圈。我知道當我以後遇到恐懼,就應該冷靜下來,慢慢調節自己心情去面對。今次嘅恐懼不會令我有陰影,而係令我更加有興趣地 想學潛水,因為睇到海底覺得好舒服。希望下次有更多嘅水上活動可以參加😬😬😬🤣🤣🤣😍🥰🥰and 多謝





今日睇到小部分海底世界,真正親身噉見到。仲要突破自我,以前試過奶嘢浸親,好怕見到有沙石嘅水,但係都嘗試咗去面對,突破咗,嘗試咗,成功咗,都學到超基本嘅潛水知識,只要肯試,其實有信心 就做得到



第一次玩甘有意思的活動,刺激又害怕,我寫在手心的話是"挑戰自我",果然,在活動中我需要克服平時用鼻子呼吸的習慣,強行用嘴巴,因此也不斷嗆水,教練不斷鼓勵我,安撫我的情緒,讓我挑戰自己,雖然最後沒能在深水潛下去,但我已經成功地在淺水區潛水,克服我對水恐懼。最後,我明白了任何看似難的事情,都要逼自己,沒有回頭路。


今日係第一次體驗潛水,算完成咗其中一件人生想做嘅事嚟,潛水感覺好微妙,冇諗過喺香港水域都有咁多野睇,喺水底好寧靜,唯一聽到嘅就係自己嘅呼吸聲,反而可以靜落嚟反思,自己嘅目標係勇敢d,放膽d去做,唔好錯過機會而令自己後悔,經過完今日自信係有所提升嘅😂😂再次感謝各位教練社工

之前就一直好想挽嘅潛水今次終須試到,可能未到好深,冇我想像中咁困難,唯一美中不中嘅係個鏡唔啱戴,第一次洗鏡嘅時候有啲慌亂,最後其實個鼻入咗水,之後就每次都提住自己唔好慌,做好每個步驟,希望有日考到個牌


我覺得今日最大嘅得益係挑戰左自己同埋認識咗一項新嘅技能

係挑戰自己方面 雖然我係船度有少少驚同埋有少少緊張 但係我堅持相信自己會做到 一直喺心裏面同自己講 冇退路所以要頂更上 我覺得呢一個心路歷程係成長嘅一部份 亦都係挑戰嘅一部份

另外新技能又唔算係嘅 但係我覺得我發掘到我嘅興趣囉 我同另外一個friend都想之後去考番個潛水教練牌 想去其他地方發掘下新世界 唔係職業嘅發展但係都係興趣嘅一種

另外都多謝返信義會搞呢個活動 除咗另外認識多咗潛水之外 我仲識咗幾個新朋友教練 感謝😜


今日我學到一樣最重要既事就係無論咩時候,都要諗下其他既可能性,比個機會去突破自己。呢樣野無論係對我自己既成長,同埋面對將來的challenge,我都覺得好重要


我原本對潛水並無深切了解,所認識的亦只是社交平台上人們打卡下的海底美景,正是此,令我參加是次潛水體驗。然而,真正體驗時,在美景外,令我更印象深刻的是克服在水中的恐懼、練習水中呼吸、與教練溝通等。原來,在一切美麗背後,都是有代價的。我們永遠只看見某件事、某些人光鮮亮麗的一面,卻忽略了在陰暗面、在無人知曉下,是汗與淚,是艱辛的過程。故此,我們不應輕視任何一件事 任何一些人,面對所有事情,都應深思熟慮再下決定

今次體驗令我更明白太緊張就會做唔到嘢,首次潛水🤿有新鮮嘅感覺,雖然遊到更深水嘅地方飲左好幾擔鹹水,不過窩並無後悔黎到依度,希望下次仲可以有更多新奇的體驗。

鮮有水上活動嘅我今日終於可以一試潛水的感覺。海裏的世界與我想像中的並沒有太大的分別,但我的技術卻與想像中的有些不同。我一開始並不認為潛水是一項困難的活動,在電視中看到的人潛水時十分輕鬆,但在我下水後卻發現事實並非如此,幸好有教練帶領着雞手鴨腳的我,我才能體驗到潛水的樂趣亦開始懂得控制游泳的方向。總的來說,對我而言我第一次潛水的經驗十分美好。



48 次查看0 則留言